Elnatan Kultuur

Privaatskool Elnatan strewe daarna om die leerlinge in totaliteit te ontwikkel en daarom is die kultuurbelewenis van elke kind belangrik.

Verskillende aktiwiteite word aangebied:

Redenaars

Interne kompetisies lei tot deelname aan die landswye ATKV-redenaarskompetisie. Weer eens het Elnatan gereeld die nasionale wenners gelewer, wat dan in RSA gaan deelneem aan die eindstryd.
Wanneer moontlik skryf leerlinge ook in vir die Engelse weergawe hiervan.

Eisteddfod/NAPSO Kultuurfees

Graad 1 tot 7-leerlinge neem hieraan deel en kry waardevolle blootstelling aan openbare optrede en mededinging, sonder dat iemand kan verloor. Die beste inskrywings in voordrag en recitation tree tydens die gala-aand voor ‘n gehoor in die skoolsaal op, terwyl alle kunsstukke vertoon word, maar die beste optredes verteenwoordig die skool tydens die Napso Kultuurfees. Tydens die Napso Kultuurfees word die items waarin leerlinge kan deelneem uitgebrei.

Skoolkonserte

Die nuwelinge in die hoërskool bied jaarliks ‘n nuwelingskonsert aan as deel van hul oriënteringsprogram. ‘n Verskeidenheid ander konserte word op gereelde grondslag aangebied soos ‘n flenterkonsert (verskeidenheidsproggram), die Eisteddfod gala-aand of ‘n musiekblyspel per geleentheid.

Ander Kultuur

Mnr en Mej Elnatan: Al die Graad 11’s neem jaarliks deel aan die kompetisie, waarna mnr en mej Fotogenies, Persoonlikheid en Elnatan aangewys word. Die wenners neem later deel teen die ander privaatskole tydens die privaatskole sportweek. .
Tienertoneel: Twee of meer tonele word jaarliks ingeskryf vir die ATKV-tienertoneel kompetisie. Leerlinge neem deel aan oudisies om mee te ding vir die rolle, maar ander word deel van die ondersteuningsspan deur met beligting, rekwisiete of klank by te staan.
Idiomestryd: Verskeie spanne skryf jaarliks in vir die Bank Windhoek Idiomestryd. Privaatskool Elnatan se spanne is mededingend en het al as oorwinnaars uit die stryd getree.
Dink-En-Sink/Spervuur: Impromptu, onvoorbereide debat word deur deelname aan hierdie kompetisies aangemoedig en afgerig.
Afrikaanse Olimpiade: Senior leerlinge skryf vrywillig hiervoor in en Elnatan-leerlinge vaar uitstekend hierin.
Griffelskryfkompetisie: Deelname is vrywillig, maar word deur die taalonderwyser aangemoedig. Elnatan lewer ook hier wenners op in die verskillende kategorieë.
Kultuurdae vir oud en jonk: Tydens ons jaarlikse kultuurdagbyeenkoms word die hele gesin betrek en word pret-aktiwiteite aangebied, soos ‘n moderne weergawe van die tiekie-aand, Top 5-uitdaging en ander interessanthede.
Leerlinge kan by ons aktiewe ATKV-tak aansluit.
Spellingbee vir die Laerskool