Elnatan Sport

"Atletiek is 'n eenmansport waar elke byeenkoms ‘n nuwe uitdaging is en Elnatan het vir my die blootstelling gegee om hierdie uitdagings te kon trotseer!"

"Ek is mal oor tennis want dit jou my lekker fiks en jy kan jou droom uitleef op die tennisbaan deur al die geleenthede wat jou gegun word. Baie uithouvermoë en enorme hoeveelheid veggees is broodnodig vir sukses. Die spreekwoord sê: 'God gave you a talent. What you do with it, is what you give back to God.'"

"Ek geniet Rugby want my span het die liga gewen. Ek is fanaties om elke keer op die veld te gaan. Dit laat my vry voel. Ek is baie trots om my skool te verteenwoordig."

"Ek speel graag netbal want dit is lekker om te kyk hoe rats ons kan wees en hoe ons die ander span kan uitoorlê. Daar is altyd lekker gees tussen die spelers van 'n netbalspan."

"Ons hokkie se gees is die beste! Daarom geniet ons dit en bereik baie."

"Ek speel Krieket omdat ek kan sien dat ons vordering toon."

"Jukskei is kombinasie van 'n rustige, stadige en ietwat konserwatiewe geskiedenis wat aanloop gee tot die opwindende, vinnige en tegniekgebonde spel wat party beter ken as die “kultuur kieries". Dit verg baie konsentrasie, selfvertroue, deursettingsvermoë en dit is 'flippen' lekker."

"Gymkana is soos golfspeel: jy raak nie net sy baas nie, want dit hang baie af van jou verhouding met jou perd. Omdat ‘n perd die mooiste dier met fantastiese eienskappe is, maak dit die sport net soveel interessanter. Wat die sport so uitsonderlik maak is die feit dat jy moet ruitervernuf hê, want as jy Toetse ry teen ander lande, ry jy nie met jou eie perd nie, maar jy kry daardie perd slegs drie ure die vorige dag om mee te oefen. Daarna oefen almal saam so dis nie asof jy alleen drie ure met jou vreemde perd het nie."

"Elke uithourit is vir my 'n groot ondervinding en uitdaging. Elke roete is anders en ek leer die natuur en omgewing goed ken. ‘n Mens leer jou perd ook baie goed ken en ek is baie lief vir my perde. Die sport leer my baie uithouvermoë en selfdissipline. ‘n Mens is nie altyd lus om vir hulle te gaan kos gee nie, maar ek moet dit doen, want as ons ‘n uithourit ry, gee my perd weer vir my alles wat ek vra. My perde is vir my baie belangrik en elkeen het sy eie persoonlikheid."

"Hengel is 'n rustige, amper vervelige, maar tog opwindende en onvoorspelbare sport. Dit is lekker want jy weet nooit wat gaan gebeur nie en die lekkerste is as jy aan die einde van die dag daai grootte uitgetrek het."